Este domingo 25 de xuño Os Fantásticos da Escola de Teatro Airiños representarán Iris, aventura espacial. Non o perdades, ás 20:00h no Auditorio de Rianxo!
Arquivos da etiqueta: escola de teatro
Premios de Teatro Xoven “Buero”
Os nosos parabéns ós Kabramakabra da nosa Escola de Teatro que acaban de recibir unha mención especial do xurado ó Talento e á Creatividade por “Con S de Super” nos Premios Buero de Teatro Joven de CocaCola. En especial a Marco Bravo por obter a mención especial a Mellor Traballo Actoral. A seguir medrando rapaces!
Con S de Súper
Outro fin de semana máis temos teatro no Auditorio de Rianxo. Desta vez a cargo d’Os Kabramakabra que se subirán ás táboas o sábado 18 de xuño ás 20.30h para representar Con S de Súper, unha creación colectiva.
O venres 17 realizarán tres pases da función para os seus compañeiros do IES Félix Muriel, recuperando así unha vella cita arreigada na primeria etapa da Escola de Teatro e que aínda non se recuperara dende a súa nova posta en marcha en 2012.
Con de S de Súper está interpretada por Lucía, Silvia, Luismi, Rebeca, Carmela e Marco e está dirixida por Raquel Ramos. Agardámovos!