Palco de Terra 2017

En poucos sitios nos recibiron tan ben coma esta fin de semana en Balugães, Portugal. Foi unha fin de semana chea de emocións (e de comida).

O sábado tivemos a honra de pechar o certame Palco de Terra coa representación da nosa versión de Romeo e Xulieta. O público dounos moita calor durante toda a función, con risas e aplausos constantes, parecía que xogábamos na casa.

O domingo despois dun pequeno paseo polo centro de Barcelos e por Balugães xantamos cos anfitrións, o Teatro de Balugas e co grupo Nova Comédia Bracarense, encargados de pechar a gala de premios coa peza “O Aniversário do Casamento” dirixida e escrita por Fernando Pinheiro, o homenaxeado deste ano. Na gala de premios, onde cada un dos grupos participantes recollía un premio de participación, quedou refletido o grande traballo desenvolvido polo Teatro de Balugas, teatro comunitario, teatro de aldea, teatro de pobo para o pobo. Nunca esqueceremos o discurso de Fernando Pinheiro ao recoller o premio que honra os seus máis de 40 anos ao servizo do teatro do Minho.

Teatro de Balugas, só podemos dicir: OBRIGADO OBRIGADO OBRIGADO. Vémonos en Rianxo en marzo 😉 Intentaremos estar á altura!

Esta entrada foi publicada en Novas e etiquetada , . Garda a ligazón permanente.

4 respostas a Palco de Terra 2017

  1. Armando Pereira di:

    Estevestes mui bem en tu pesa xulieta e romeu. Eu numa escala de 10 pontos te dava 9 ou mesmo 10.
    Gostava de ver mais teatro com o grupo de airinhos quer em Portugal quer em Espanha.

  2. Carlos Machado di:

    Gostei imenso. Parabéns pela atuação fabulosa. Ficamos à espera de mais.

Deixa unha resposta

O teu enderezo electrónico non se publicará Os campos obrigatorios están marcados con *