As Veladas é unha proposta de Teatro Airiños que comezou no 2019 como Veladas de inverno. Co paso do tempo, tras sobrevivir á pandemia, pasaron a ser Veladas de Primavera e consisten nunha serie de fins de semana nos que se programan numerosas de actuacións (monólogos, contacontos, teatro…) en Asados, nas Escolas Vellas.

Foi o domingo día 9 e houbo unha gran afluencia de xente. Quico é xa un gran amigo de Airiños e participou tanto nas veladas como na Gala do 85 aniversario.

A primeira das veladas correu a cargo de Quico Cadaval, que fixo o seu monólogo: Vacas, guerras, porcos e cregos.

Como non podía ser doutro xeito, marchou co seu exemplar do libro do 90 aniversario.

Nestes contacontos participaron Merchi, Fran, Pablo, Morán e Amantia na parte técnica.

As veladas continuaron a fin de semana do 15. Día no que houbo un contacontos pensado para a rapazada.

Ademais das intervencións das persoas poñentes, tamén se representaron tres contos publicados no libro. Estes forman parte dos “Contos de Santos” e foron postos en escena por actrices e actores da agrupación.

Para a presentación do texto participaron:

Adolfo Muiños, alcalde de Rianxo. Xesús Santos, exdirector e colaborador do libro. Amantia Coello, directora e autora da obra. Miguel Silva, actor e colaborador.

Para retamar as Veladas, a Escola de Teatro Airiños PatakaMakabra estrou a peza “Rapsodia de Elas. Unha de mitos”. Trátase dun texto de Amantia Coello, quen tamén dirixe, e no que se contan mitos clásicos.

Énchenos de ledicia celebrar o noso 90 aniversario, o que nos converte no grupo de teatro amador máis antigo de Galiza. Para celebralo, organizamos unha programación que vai ocupar todo o que queda do 2023 e máis. Editamos un libro, organizamos presentacións, imos facer as xa míticas veladas e, como colofón, versionaremos un clásico moi querido pola compañía e estraremos “As vellas non deben de namorarse”.

Para máis información podes seguirnos nas nosas redes sociais.

O vindeiro Domingo, 4 de novembro ás 19:00 h, nas escolas vellas de Asados,                organizamos unha tarde de humor e contos co grande Quico Cadaval.

Non perdades a ocasión de vir botar unhas risas connosco e cos “Inocentes”

Entradas a 5 euros na taquilla e no mesmo día. Animádevos!

O pasado mes de setembro levamos a cabo a gala dos 85 anos de Airiños, “Esta noite velada”, no auditorio de Rianxo. Dende aquí queremos agradecer a todos os que nos acompañastes e fixestes posibles estas veladas e as faredes durante 85 anos máis. Foi marabilloso!
Non queremos deixar pasar a ocasión para agradecer a toda a xente que fixo posible esta gala, e especialmente aos músicos  e artistas que nos brindaron o seu talento e a súa compaña durante estes días.
Grazas a moreas a Barahúnda, Río de Anxo, Xosé Luís Dopico e Sabela Galbán na parte musical. E por suposto, grazas a  Quico Cadaval, Esther Carrodeguas e Antón Vilariño e Ché Tembra e a súa Pimpinela, por facer que a homenaxe a Xesús Santos fose diferente e máxica cada día. Grazas tamén a Raquel e Maura, pola súa axuda en billeteira e no posto de merchandising, que sempre que as precisamos, aí están.

Grazas!

Saúde e teatro pra tod@s!